Әлмәттә яшәүчеләр үз куллары белән ямь тудыра: Совет урамыннан үрнәк
Илнур Фәсхетдинов шәхсән үзе Совет урамындагы йорт ишегалдында урнашкан шәһәрнең үрнәк бакчаларының берсендә булды. Бу йортта яшәүчеләр «Иң яхшы бакча» шәһәр конкурсында катнашу өчен гариза биргәннәр инде. Дүрт ел элек бу ишегалды «Безнең ишегалды» программасы кысаларында төзекләндерелгән иде, һәм шуннан бирле халык тәртип саклауны һәм үз йортлары тирәсендә яшел ямь булдыруны дәвам итә.
Моңа мисал — чәчәк атып утыручы өй алды бакчасы, аны үз көчләре белән халык үзләре төзи һәм саклый. Илнур Фәсхетдинов биредә яшәүче Елена белән аралашты, ул каралган чәчәк түтәлләре күршеләрнең күзләрен сөендереп кенә калмыйча, очраклы үтеп баручыларның кәефен дә күтәрә, дип сөйләде.
«Хатын балалар белән барган, чәчәкләр күргән-фотога төшерергә туктаган. Мин аңа әйтәм: якынрак керегез, фотога төшегез. Беренче тапкыр сезнең ишегалды аша узам, ди, шундый матурлыкны күрдем — кәеф күтәрелде!»,- дип уртаклашты Елена.
Мондый җылы тарихлар ишегалдының төп байлыгы — үз тирә-ягында уңайлыклар тудыручы һәм аны көн саен саклаучы кешеләр үзләре булуын раслый. Еленаның шәһәр халкына бердәнбер үтенече-чит кешенең хезмәтенә хөрмәт белән карау: чәчәкләрне сындырмау һәм өзмәү.