Әлмәттә «Иң яхшы бакча» шәһәр конкурсында катнашуга гаризалар кабул итү дәвам итә
31 июльгә кадәр күпфатирлы йортларда яшәүчеләрнең барысы да катнашу өчен гариза бирә ала. Җиңүчеләрне инде августта игълан итәчәкләр. Бу хакта шәһәр Башкарма комитеты җитәкчесе Илнур Фәсхетдинов хәбәр итте.
Конкурс үз куллары белән ишегалларын үзгәртеп коручы һәм уңайлы, каралган һәм чәчәк атучы бакчалар булдыручы инициативалы шәһәр халкына ярдәм итү максатыннан үткәрелә. Катнашучылар өчен өч номинация каралган: «Иң яхшы чәчәк бакчасы», «Әкияттә кунакта» һәм «Тылсымлы бакча». Җиңүчеләр 3 меңнән 10 мең сумга кадәр акчалата бүләкләр ала алачак.
Исегезгә төшерәбез, конкурс «Татарстанда җәй» республика проекты кысаларында үткәрелә һәм район башкарма комитеты җитәкчесе Гүзәл Хәбетдинова карары белән гамәлгә ашырыла.
Гаризаны теләгән һәркем бирә ала — моның өчен аны электрон почтага җибәрү дә җитә leto.tatarstan.almet@mail.ru, идарәче компания аша тапшырырга яки шәхсән МАУ «Үсеш департаменты»на алып килергә. Конкурс турында тулырак нигезләмәне һәм заявка формасын биредә карап була.