Әлмәт районы хакимиятендә яңа кадрлар билгеләнеше

2025 елның 14 июле, дүшәмбе

Район башкарма комитеты җитәкчесе Гүзәл Хәбетдинова гомумшәһәр киңәшмәсендә яңа кадрлар карары турында игълан итте: 11 июльдән Әлмәт муниципаль районы башкарма комитеты җитәкчесе урынбасары итеп Илвир Әнәс улы Габдуллин билгеләнде.

Илвир Әнәс улының Татарстан муниципаль хезмәтләрендә идарә итү тәҗрибәсе бар. Үзенең һөнәри эшчәнлеге елларында ул шәһәр хуҗалыгының төрле өлкәләрендә җитәкче вазифаларын башкара.

Гүзәл Хәбетдинова яңа җитәкче урынбасары шөгыльләнәчәк эшнең өстенлекле юнәлешләрен билгеләде. Алар арасында: җылылык сезонына әзерлек, күпфатирлы йортларга капиталь ремонт ясау, халыкның һәм идарәче компанияләрнең, ресурслар белән тәэмин итүче оешмаларның үзара хезмәттәшлеге, шулай ук җәмәгать транспорты һәм элемтә системасын, домофонияне һәм интернетны да кертеп, үстерү.

Илвир Әнәс улын яңа эшкә билгеләнүе белән котлыйбыз һәм аңа район хакына эшендә уңышлар телибез!