Гафиятуллин урамында юл эшләре башланды

2025 елның 10 июле, пәнҗешәмбе

Әлмәттә иң масштаблы юл ремонты дәвам итә. Халыкның бу юлның торышы турындагы мөрәҗәгатьләре игътибарсыз калмады. Искергән өслек, колейлык һәм чокырлар - бу юлның төп проблемалары.

Төзүчеләр проспектыннан алып Нефтьчеләр урамына кадәр юлчылар юл өслеген фрезерлауга керештеләр инде. Подрядчы итеп «ГУАД» АҖ билгеләнде. Эшләр 19:00 дән 07:00 гә кадәр алып барылачак — күбесенчә төнлә, хәрәкәткә комачауламас өчен.

Урамны тулысынча ябу планлаштырылмый: хәрәкәт бер полоса буенча гына чикләнәчәк. Маршрутны алдан планлаштырырга һәм мөмкин булган чикләүләрне исәпкә алырга сорыйбыз.

Әлмәттә юлларны ремонтлауның мондый масштабы беренче мәртәбә! Болар барысы да Татарстан Республикасы Рәисе Рөстәм Миңнеханов һәм район башкарма комитеты җитәкчесе Гүзәл Хәбетдинова ярдәме белән мөмкин булды.