Әлмәттә юл челтәрен киң колачлы яңарту дәвам итә

2025 елның 18 июне, чәршәмбе

Бүгенге көнгә Шевченко урамында капиталь ремонт эшләре төгәлләнгән. Р.Фәхретдин урамыннан алып Төзүчеләр проспектына кадәр 3 чакрымга якын участокта юл өслеге тулысынча яңартылган. Эшләр колейностьны исәпкә алып башкарылды, чөнки бу урам шәһәрнең төп транспорт артерияләренең берсе булып тора.

Әминов урамының Гафиятуллиннан алып Бигәшкә кадәрге участогында асфальтның аскы катламын салуга әзерлек бара. Шоссейная урамында асфальтның өске катламын җәю бара.

Шулай ук Петр Хузангай урамында, М-4 микрорайонындагы Үзәк урамда һәм рокашево авылында фрезерлауга керештеләр.

Сезне бөтен үзгәрешләрдән хәбәрдар тотабыз! Безнең яңалыкларны күзәтеп торыгыз!