Миллионлаган Россия гаиләләре социаль фондтан ярдәм ала

Балалар турында кайгырту һәм аларның гармонияле үсеше өчен шартлар тудыру – безнең илнең өстенлеге. 2025 елда Россиядә гаиләләргә, бигрәк тә күп балалыларга, матди ярдәмнән алып уку мөмкинлекләренә кадәр һәрьяклап ярдәм итүгә юнәлдерелгән берничә милли проект старт алды.

Россиядә социаль Фонд ярдәмен балалы миллионлаган гаиләләр ала.

• Бала туганда пособиене 2025 елның гыйнварыннан 414,6 мең ата-ана рәсмиләштергән
• Бердәм пособие-булачак әниләргә һәм 17 яшькә кадәрге балалары булган аз керемле гаиләләргә бирелә. Гыйнвардан аны 234,6 мең йөкле хатын-кыз, шулай ук 10 миллионнан артык бала алган.
• Ана капиталы – «Гаилә» милли проекты кысаларында кирәкле ярдәм чарасы. 2025 ел башыннан социаль Фонд ана капиталына 289 мең сертификат рәсмиләштергән. Шул ук вакытта цифрлаштыру бу процессны максималь гадиләштерде – электрон сертификат турындагы мәгълүмат Дәүләт хезмәтләрендә әнинең (ә кайбер очракларда әтинең дә) шәхси кабинетына керә.

Әгәр сезнең сорауларыгыз калса, сез һәрвакыт Бердәм контакт-үзәккә шалтырата аласыз— 8 800 100 0001 (төбәк линиясенең эш режимы дүшәмбедән пәнҗешәмбегә кадәр — 08:00 дән 17:00 гә кадәр, җомга көнне — 08:00 дән 15:45 кә кадәр, тәнәфессез, шалтырату бушлай).

Россия Социаль фондының Татарстан Республикасы буенча бүлеге хезмәтләре турында барлык мәгълүматны РСФ сайтында һәм социаль челтәрләрдәге рәсми аккаунтларда:ВКонтактеда, Одноклассники һәм Телеграмда табарга мөмкин.

Белешмәләр өчен телефон: 32-18-30, 32-18-15.