Роспотребнадзор БАДлар әйләнешен контрольдә тоту буенча системалы эш алып бара
Азыкка биологик актив өстәмәләрнең сыйфаты һәм куркынычсызлыгы мәсьәләләре Роспотребнадзорның даими контролендә тора. Базарга легаль булмаган яки имин булмаган продукцияне кертмәүнең төп бурычы шул исәптән товарларны идентификация һәм контроль чаралары белән маркировкалау механизмнары аша хәл ителә. Бу хакта «Россия һәм дөнья: сәламәт озын гомер трендлары» форумында Роспотребнадзор җитәкчесе урынбасары Ирина Брагина сөйләде.
Россия Федерациясендә БАДны дәүләт теркәвенә алганда продукциянең куркынычсызлыгын раслаучы тикшеренүләр генә түгел, ә аның дөреслеген дә тикшерәләр, барлыгы 160тан артык төрле идентификация методы кулланыла.
Азык-төлеккә БАДны дәүләт теркәвенә алу турындагы белешмәләр бердәм реестрга кертелә. Бүгенге көндә биологик актив өстәмәләрнең 58%ы Россия җитештерүчеләре тарафыннан, ә 42% ы чит ил җитештерүчеләре тарафыннан җитештерелә.
«2023 елның 1 сентябреннән Бадларны мәҗбүри маркировкалау башланды, ә 2024 елның 1 ноябреннән аларны гамәлгә ашыру өчен шулай ук кассаларда онлайн-тикшерү режимы да мәҗбүри булды. Әлеге эш нәтиҗәләре күрсәткәнчә, 2024 елның 1 кварталында БАД әйләнеше өлкәсендә базарны легальләштерү темплары 24% тәшкил иткән, бу максатчан күрсәткечне шактый узып китә», - диде Ирина Брагина.
Моннан тыш, маркировка системасы ярдәмендә тыелган матдәләр булган 5,5 миллионнан артык биологик актив өстәмә сатуга кертелмәгән.
Маркировкалау системасы продукциянең һәр берәмлеген реаль вакыт режимында күзәтеп торырга гына түгел, ә гамәлдәге законнар таләпләренә туры килми торган продукция әйләнеше фактлары билгеләнгән очракта оператив чаралар күрергә дә мөмкинлек бирә. Мәсьәлә Роспотребнадзорның махсус контролендә тора.