Әлмәттә Сабантуйга өстәмә автобуслар җибәреләчәк

2025 елның 3 июне, сишәмбе

8 июньдә шәһәрдә «Сабантуй» милли бәйрәме үткәрелү сәбәпле, халыкны шәһәр Мәйданына 07:00 сәгатьтән 16:00 сәгатькә кадәр РТС һәм Панорама пунктларыннан ташу гамәлгә ашырылачак.

Автобуслар хәрәкәте маршрутлары:

1 нче Маршрут: РТС - Шоссейная - Герцен - Ленин – Чехов - Совет - Бигаш - Мәйдан һәм кире юнәлештә.

2 нче Маршрут: Панорама - Ленин – М. Җәлил – Гафиятуллин - Төзүчеләр проспекты - Бигаш - Мәйдан һәм кире юнәлештә.

Пассажирларны утырту һәм төшерү юлдагы барлык тукталышларда башкарылачак.

Билет бәясе: 40 сум, ташламалы юл йөрү юллары гамәлдә.

Сезне Сабан туенда көтәбез!