Ямаш авылында өч гасырлык тарихы булган «Изге чишмә» не төзекләндерәчәкләр!

2025 елның 3 июне, сишәмбе

Бу чыганак Екатерина заманнарыннан билгеле — 1729 елдан. Суда көмеш ионнары бар дип санала, шуның аркасында ул озак саклана һәм шифалы үзлекләргә ия.

Ел саен чишмә янында чукындыруга җирле халык, шулай ук республиканың төрле шәһәрләреннән кунаклар изге су җыярга һәм купельләргә чумарга җыела. Чишмә Татарстанда гына түгел, аннан читтә дә хөрмәт ителә. Православие бәйрәмнәре көннәрендә биредә төрле чаралар уза.

Хәзерге вакытта чишмә территориясендә демонтаж эшләре алып барыла, киләчәктә килүчеләргә уңайлы булсын өчен ябык купель төзү планлаштырыла. Эшләрне төгәлләү ноябрь ахырына билгеләнгән.

Проект «Татнефть» хәйрия фонды гранты һәм җирле бюджет акчаларына гамәлгә ашырыла. Финанслауның гомуми күләме 5 млн сумнан артык.