Әлмәт районыннан МХО зонасына гуманитар конвой килде

2025 елның 19 мае, дүшәмбе

Хәрби хезмәткәрләргә Әлмәт районыннан махсус хәрби операция зонасына чираттагы гуманитар йөк китерелде.

Махсус хәрби операция уздыру зонасына безнең 1232 нче, 1234 нче, 430 нчы полк сугышчылары өчен чираттагы гуманитар конвой китерелде.

Бу юлы гуманитар ярдәм составында - квадроцикллар, заманча элемтә чаралары, кулдан ясалган мичләр, дроннар, рацияләр, радиоэлектрон көрәш системасы, шулай ук беренче кирәкле әйберләр, медикаментлар һәм эчке кием.

Хәрбиләр Әлмәтнең ярдәмен тоюларын билгеләп үтә. Сөйләшү вакытында сугышчыларга аларның гаиләләре игътибарсыз калмый, дип искә төшерделәр. Барлык туганнарга һәм якыннарга кирәк булганда ярдәм күрсәтелә.

Исегезгә төшерәбез, Әлмәттә МХОда катнашучыларның гаиләләренә адреслы ярдәм күрсәтүче гуманитар ярдәм штабы эшен дәвам итә. Ярдәм алу өчен 8 (8553) 26-01-01 телефоны буенча иртәнге 8дән кичке 5кә кадәр шалтыратыгыз.