Гүзәл Хәбетдинова яңгырдан соң шәһәр урамнарын су басу турындагы шикаятьләргә җавап бирде
Бүген Әлмәтне синоптиклар фаразлаган яңгыр каплады. Социаль челтәрләрдә урамнарны су басу турында хәбәрләр барлыкка килде.
Вәзгыять Әлмәт муниципаль районы башкарма комитеты җитәкчесе Гүзәл Хәбетдинова игътибарыннан читтә калмады. Ул шәһәр кешеләренең мөрәҗәгатьләренә оператив җавап бирде, коммуналь хезмәтләргә тәнкыйть һәм төгәл күрсәтмәләр белән мөрәҗәгать итте.
«Ни өчен урамнарда мондый вәзгыять? Язның өченче ае бара! Сез узган елларда явым-төшем вакытында шәһәрдә вәзгыятьне күрмәдегезме? Иң беренче эш итеп, кар төшү белән, яңгыр канализациясен чүп-чардан, җыелган яфраклардан чистартырга һәм проблемалы участокларда үткән еллардагы җитешсезлекләрне төзәтергә кирәк! Сез бу турыда беренче тапкыр ишетәсезме?» - дип тәнкыйтьләде Гүзәл Хәбетдинова.
Башкарма комитет җитәкчесе шәһәр хезмәтләренә ашыгыч рәвештә яңгыр канализациясен чистартырга, шулай ук потенциаль проблемалы урыннарга җентекле мониторинг үткәрергә һәм кирәк булганда су басуга оператив җавап бирергә кушты.