Әлмәт шәһәр фонтаннарын эшләтеп җибәрергә әзерләнә: бу сезонда нәрсә үзгәрәчәк?

2025 елның 25 апреле, җомга

«Светсервис» МУП белгечләре фонтаннарны консервацияләүгә керештеләр. «Сәламәтлек» паркында чистарту, махсус резина буяу салу һәм насос җиһазларын алыштыру эшләре алып барыла. Фонтанның декоратив элементлары да чистартыла. Киләсе атнада ук әлмәтлеләр бу фонтанның беренче сынау эшләтеп җибәрүен күрә алачак.

Ләкин бу гына түгел әле! Драмтеатр артында урнашкан яктылык музыкасы фонтаны масштаблы реконструкция көтә. «Татнефть» компаниясе инициативасы белән 10 майдан аны комплекслы яңарту эшләре башланачак.

Проект кысаларында 109 насосны тулысынча алыштыру, 20 яктырткыч урнаштыру һәм 68 квадрат метр керамогранит плитканы яңарту планлаштырыла. Шунысын да билгеләп үтәргә кирәк, эшләр барган вакытта фонтанга керү мөмкинлеге чикләнәчәк.

Реконструкцияне төгәлләү һәм яңартылган яктылык музыкасы фонтанын эшләтеп җибәрү Нефтьчеләр көненә планлаштырыла!