2025 елда йөклелек һәм бала табу буенча пособие күләмнәре
Россия Социаль фондының Татарстан Республикасы буенча бүлеге декрет ялына кадәрге ике ел эчендә уртача хезмәт хакы нигезендә пособие күләмен исәпли.
Әмма әгәр дә сез бу чорда йөклелек һәм бала табу яки бала карау буенча алдагы ялда булсагыз, бу елларны алдагы елларга алыштырырга мөмкин.
Мәсәлән:
Әгәр сезнең йөклелек һәм бала табу буенча декрет ялыгыз 2025 елда булса, аны 2024 һәм 2023 өчен хезмәт хакы нигезендә исәпләячәкләр. Әмма, әгәр 2023 һәм 2022 елларда сез беренче бала карау буенча ялда булсагыз, 2023 елны 2021 елга алмаштырырга һәм уртача көнлек хезмәт хакын арттырырга мөмкин.
Елларны алмаштыру өчен гаризаны эш бирүчегә декрет ялына гариза белән бергә бирергә кирәк.
Декрет ялының дәвамлылыгы: бала тапканчы 70 көн һәм аннан соң 70 көн гадәти йөклелек өчен; ике һәм аннан да күбрәк бала көткәндә 194 көнгә кадәр.
Әгәр сезнең сорауларыгыз калса, сез һәрвакыт Бердәм контакт-үзәккә шалтырата аласыз— 8 800 100 0001 (төбәк линиясенең эш режимы дүшәмбедән пәнҗешәмбегә кадәр — 08:00 дән 17:00 гә кадәр, җомга көнне — 08:00 дән 15:45 кә кадәр, тәнәфессез, шалтырату бушлай).
Россия Социаль фондының Татарстан Республикасы буенча бүлеге хезмәтләре турында барлык мәгълүматны РСФ сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.
Белешмәләр өчен телефон: 32-18-12, 32-18-15.