Бүген Әлмәттә җылыту сезоны төгәлләнә

2025 елның 21 апреле, дүшәмбе

Мондый карар коммуналь хезмәтләр күрсәтүне җайга сала торган нормативларны үтәү нигезендә, шулай ук район администрациясе үткәргән сораштыруда җылытуны сүндерү өчен тавыш биргән халыкның күпчелеге фикерен исәпкә алып кабул ителде.

Норматив таләпләр нигезендә, һаваның уртача тәүлеклек температурасы биш көн рәттән +8°С тан артып киткәч, җылылык бирү туктатыла.

Җылылык белән тәэмин итү һәм җылылык челтәре оешмалары җылылык сезоны тәмамланганнан соң 2025-2026 елларның киләсе җылылык чорына әзерләнә башлаячаклар.