Әлмәт районында яңа фельдшер-акушерлык пункты төзелә

2025 елның 18 апреле, җомга

«Озак һәм актив тормыш» милли проектының «Татарстан Республикасының беренчел сәламәтлек саклау звеносын модернизацияләү» программасы кысаларында Әлмәт районының Иске Суркино авылында заманча блок-модуль технологияләре буенча фельдшер-акушерлык пункты төзү дәвам итә.

Хәзерге вакытта участокның чикләре билгеләнгән һәм яңа бинаның стеналарын монтажлау башланган.

Бу мөһим объект авыл халкына медицина хезмәте күрсәтүнең сыйфатын яхшыртырга һәм медицина хезмәткәрләре өчен уңайлы шартлар тудырырга мөмкинлек бирәчәк.