Капиталь ремонтка акча каян алына һәм без нәрсә өчен түлибез?
Популяр сорауга җавап бирәбез: күпфатирлы йортларга капиталь ремонт ясау өчен акчалар ничек формалаштырыла һәм квитанцияләрдәге суммалар нәрсәне аңлата?
Капиталь ремонтка акча Татарстан Республикасы торак-коммуналь хуҗалык фондыннан килә. Бу фонд, копилка кебек, төрле чыганаклардан акча җыя:
- Түләү документлары нигезендә торак урыннар милекчеләренең «капиталь ремонт» статьясы буенча кертемнәр сыйфатында акчалары;
- Районның җирле бюджеты акчалары;
- Татарстан Республикасы бюджеты акчалары.
Капиталь ремонт планы автомат рәвештә «Торак фонды мониторингы» системасы белән формалаштырыла, анда йортларның барлык характеристикалары һәм параметрлары чагылдырылган.
Капиталь ремонт программасына түбәндәге эшләр керә:
- Инженерлык системаларын ремонтлау: җылылык, электр, су һәм канализация.
- Подвалларны, түбәләрне һәм фасадларны ремонтлау.
- Лифтларны алыштыру.
Барлык эшләр дә катгый контрольдә тотыла: дәүләт экспертизасы, техник күзәтчелек һәм төзелеш контроле.
Расланган капремонт программаларын гамәлгә ашыру турында мәгълүматны Татарстан Республикасы торак фонды мониторингының мәгълүмати порталында һәм Татарстан Республикасы төзелеш, архитектура һәм торак-коммуналь хуҗалыгы министрлыгының рәсми сайтында күрергә мөмкин.