Балалар бакчалары өчен түләүгә компенсацияләр бирү – көнүзәк мәсьәлә булып кала

Бүген Министрлар Кабинетында узган видеоконференция “Балаларны мәктәпкәчә учреҗденияләрдә тоткан өчен ата – аналарга субсидия түләү тәртибе” дип аталды. Соңгы вакытларда аеруча актуаль булган әлеге мәсьләлә дәүләт югарылыгнда хәл ителә. Билгеле булганча, 2014 елнгың 1 январеннән балалар бакчалары өчен түләү уртача 77 процентка артачак. Шул ук вакытта өстәмә рәвештә компенсация алучылар да күбәя.

Өстәмә компенсация гаилә кеременә бәйле булачак. Шулай ук балалар бакчасының төре, нарасыйның яше, ул йөргән төркемнең эшләү вакыты да исәпкә алыначак.

Кереме бер кешегә 10 мең сумнан артмаган гаиләләргә балалар бакчасы өчен түләү бик азга гына артачак. Әйтик, беренче баласын (3 яшьтән 7 яшькә кадәр) 10,5 сәгатьлек төркемгә йөрткән, кеше башына 10 меңнән кимрәк керемгә ия гаилә өчен түләү нибары 261 сумга гына артачак.

Икенче бала өчен гаиләнең чыгымы 16 процентка( 820 сумнан 952 сумга әйләнә ) , ә инде өченча бала өчен бары тик 54 сумга артачак.

Гаиләнең кереме бер кеше башына 10–15 меңгә кадәр булып, бала 2 нче категорияле балалар бакчасына йөргәндә беренче бала өчен – 571 сум, икенче се өчен –257, өченчесе өчен – 163 сумга артыгырак түләргә туры киләчәк.

Гаиләнең кереме бер кеше башына 15–20 меңгә кадәр җитсә беренче балага –822, икенчесенә– 507, өченчесенә– 163 сумга артык түләнәчәк.

Керем дәрәҗәсе югарырак булган саен, компенсация күләме дә кими бара. Бер кешегә 20 мең сумнан артык акча туры килүчеләргә исә әлеге ярдәмгә бөтенләй өметләнәсе юк.

2 нче категорияле мәктәпкәчә яшьтәге учреждениеләр шәһәр дә –42, районда –6 дип исәпләнә.

Компенсация алу өчен кирәкле документларны балалар бакчаларын яки һәм Халыкны социаль яклау идарәсенә тапшырырга мөмкин.

Фәрдия Хәсәнова әзерләде