Татарстанда янгынга каршы режим кертелә
14 апрельдән 11 майга кадәр Татарстан Республикасы территориясендә янгынга каршы махсус режим кертелә. Димәк, янгын куркынычсызлыгы кагыйдәләрен үтәүгә аеруча игътибарлы булырга кирәк.
Быел янгынга каршы режимның төп үзенчәлеге – бу чорда республиканың бөтен территориясендә учак ягуны, каты көнкүреш калдыкларын, коры үләнне һәм чүп-чарны яндыруны тулысынча тыю.
Режим гамәлдә булган чорда янгын куркынычсызлыгы таләпләрен үтәмәгән өчен штрафлар каралган:
- Гражданнар: 10 000 сумнан 20 000 сумга кадәр.
- Вазифаи затлар: 30 000 сумнан 60 000 сумга кадәр.
- Юридик затлар: 400 000 сумнан 800 000 сумга кадәр.
Табигатьтә катгый тыелган:
• Янгын куркынычы зур булу яки гадәттән тыш хәл режимы гамәлдә булу сәбәпле, урманда булу тыелган вакытта
•Үләнгә ут төртергә, чүп-чарны калдырырга һәм яндырырга
•Янгын куркынычы булган сезонда һәм җиһазландырылмаган урыннарда учаклар ягарга
• Сүнмәгән шырпы һәм тәмәке төпчекләрен җиргә ташларга
• Очкын чыгара торган төзек булмаган транспортны файдаланырга
• Пиротехниканы кулланырга
Табигый янгыннар турында хакыйкать:
• Кипкән үләнне яндыру талпаннар белән көрәшергә ярдәм итми. Алар урман читендә һәм аланнарда тереклек итәләр һәм, куркыныч барлыгын тоеп, күчеп йөриләр.
• Коры үләнгә ут төртү табигатькә зыян китерә. Ут төрткәндә үсемлекләрнең бөерләре һәм орлыклары, файдалы микроорганизмнар һәм вак хайваннар һәлак була.
• Кара урман кисүчеләр җинаятьләрне яшерү өчен урман янгыннары оештырмыйлар. Янгыннан соң һәрвакыт аның сәбәбе ачыклана, җинаятьчеләр, киресенчә, үзләренең законсыз эшчәнлекләренә игътибар җәлеп итмәскә тырышалар.