Әлмәттә беренче тапкыр! «Җиңү паровозы» безгә килә!
2025 ел – Бөек Җиңүнең 80 еллыгы елы! Бөтен ил бу истәлекле датаны билгеләп үтәргә әзерләнә, җиңүчеләр буыны батырлыгы алдында баш иеп. Әлмәткә «Җиңү паровозы» ретропоездының килүе бәйрәмнең иң якты вакыйгаларының берсе булачак.
1 майда 10:00 сәгатьтә Әлмәт станциясе тимер юл вокзалына (Кәләй станциясе) Куйбышев тимер юлы тарафыннан Россия төбәкләре белән берлектә оештырылган уникаль Патриотик проект килеп җитәчәк. Поезд тукталышы 3 сәгать тәшкил итәчәк, шул вакыт эчендә шәһәр халкы һәм кунаклары тарихка кагыла алачак.
«Җиңү Паровозы» – поезд гына түгел, ул күчмә музей, сугыш турында җанланган хәтер. Аның составында эксклюзив экспонатлар белән 9 платформа бар: амфибия автомобиленнән алып «Үлемсез полк»вагонына кадәр.
Составны Бөек Ватан сугышы чоры формасындагы барлык төр гаскәрләр озата барачак.
Сезне тантаналы чарада катнашырга һәм тарихка кагылырга чакырабыз! Теләүчеләр уникаль хәрби экспонатлар белән фотога төшә һәм гамәлдәге паровоз кабинасына күтәрелә алачак.