Г. Камал исемендәге Татар академия театры һәм Россия театр сәнгате институты – ГИТИС актер-режиссерлык курсына (татар студиясенә) җыю турында игълан итәләр.

2025 елның 24 марты, дүшәмбе

Курс җитәкчесе – Фәрит Бикчәнтәев, Россиянең һәм Татарстанның сәнгать эшлеклесе, Татарстанның Г.Тукай исемендәге Дәүләт премиясе лауреаты, К.Станиславский исемендәге Халыкара премия лауреаты.

Уку формасы – читтән торып. Уку белем алу турындагы килешү нигезендә Казанда – Г.Камал театрында (актёр һәм режиссура осталыгы, тулы көн) һәм Мәскәүдә – ГИТИСта (профильле һәм гомуми белем бирү предметлары, сессия елына 2 тапкыр) оештырыла. Сайлап алу татар телендә уза. (программа: шигырь, мәсәл, проза, шулай ук вокаль һәм пластик номерлар).

Сайлап алу һәм керү имтиханнарында мәктәп, урта махсус һәм югары иҗади уку йортын тәмамлаучылар катнаша ала.