Әлмәтлеләргә мөмкинлекләре чикләнгән кешеләр өчен цифрлы технологияләрдән файдалану мөмкинлеге турында сораштыру узарга тәкъдим итәләр
Россия Хезмәт министрлыгының Г.А. Альбрехт исемендәге Инвалидлар һәм халыкның башка аз хәрәкәтләнүче төркемнәре өчен уңайлы мохит булдыру буенча федераль ресурс үзәге кресло-коляскалардан файдаланучы хәрәкәт итү мөмкинлекләре чикләнгән затлардан цифрлы технологияләрдән файдалану өлешендә сораштыру үткәрә.
«Цифрлы» җәмгыять төзү процессында «Интернет» мәгълүмат-телекоммуникация челтәреннән һәм электрон ресурслардан файдалану дәүләт хезмәтләре, белем алу, һөнәри эшчәнлек алу, тормыштагы башка ситуацияләрне хәл итү мөмкинлеген билгели торган мөһим факторга әверелә.
Онлайн-сораштыру барышында мөмкинлекләре чикләнгән затларның «Интернет» мәгълүмат-телекоммуникация челтәреннән файдалану үзенчәлекләрен өйрәнү, цифрлы технологияләрне куллануга комачаулый торган киртәләрне ачыклау планлаштырылган.
Тикшерү барышында алынган мәгълүматлар кресло-коляскалардан файдаланучы инвалидларга цифрлы ресурслардан тигез файдалану мөмкинлеген тәэмин итү буенча гамәли киңәшләр эшләү өчен кулланылачак.
Сораштыруны https://www.frcds.ru/socmonitoring-2025/ сылтамасы аша федераль үзәк сайтында узып була.