Әлмәт укучылары торба җитештерүләрен белделәр

Бүген Әлмәт торба заводы территориясендә 3 нче мәктәпнең тугызынчы сыйныф укучылары өчен һөнәри юнәлеш экскурсиясе узды. Экскурсиягә китәр алдыннан барлык катнашучылар куркынычсызлык техникасы буенча инструктаж үттеләр, һәркайсына махсус киемнәр бирелде.

Мәктәп укучылары предприятиенең җитештерү цехларының берсендә булдылар, анда торбаларны әзерләүнең тулы циклы ничек барганын күрделәр — әзер продукцияне тураудан алып маркировкалауга кадәр. Балалар фикер алышуларга актив кушылдылар, сораулар бирделәр һәм заманча производство мөмкинлекләренә гаҗәпләнделәр.

Аларга станнарның минутына 40-130 метр торба җитештерә ала, ә 8 сәгать эчендә 460 тонна әзер торба җитештерелә, дип сөйләделәр. Шулай ук балалар торбаларның түгәрәк формада гына түгел, ә квадрат формада да булуын белделәр. Кирәк була калса, предприятие өчпочмаклы торбалар да җитештерергә әзер.

Экскурсия яшьләргә сәнәгать технологияләре белән танышу һәм, мөгаен, бу өлкәдә булачак һөнәрләрен сайлау өчен менә дигән мөмкинлек булды.