Әлмәт районында төбәк юлларын ремонтлауга 770 миллион сумнан артык акча бүленгән
Үзенең алты еллык эшен уңышлы тәмамлаган «Имин сыйфатлы юллар» милли проекты «Тормыш өчен инфраструктура» яңа илкүләм проектына урын бирде.
Быел милли проектны гамәлгә ашыру кысаларында Әлмәт районында төбәк юлларының берничә участогына капиталь ремонт ясау планлаштырыла. Алар арасында:
- Әлмәт-Азнакай,
- Рус Акташы-Кузайкино,
- Әлмәт-Мөслим,
- Әлмәт-Чупай.
Моннан тыш, илкүләм проект кысаларында шулай ук «Казан — Оренбург» — Кәләй — Яр Чаллы — Зәй — Әлмәт станциясендә дә ремонт ясалачак, ул республика бюджетыннан финансланачак.
Моннан тыш, республика бюджеты хисабына «Кузайкино — Нурлат» — Дальняя Ивановка юлларын ремонтлау планлаштырыла.
Төбәк әһәмиятендәге юлларны ремонтлауга барлыгы 770 миллион сум акча бүлеп бирелгән. Якын арада шулай ук исемлекләре хәзер төзелә торган җирле әһәмияттәге юлларны ремонтлау турында мәгълүмат бастырылачак.
Күпләр өчен көтелгән зур эшләргә керешү өчен төзелеш-ремонт сезоны башлануын көтәбез.