Әлмәт мәгариф учреждениеләрендә Муса Җәлилне искә алу атналыгы уза

2025 елның 14 феврале, җомга

10-15 февраль көннәрендә Әлмәттә күренекле шагыйрь һәм Советлар Союзы Герое Муса Җәлилне искә алу атналыгы уза. Мәктәпләрдә һәм балалар бакчаларында аның тормышына һәм иҗатына багышланган чаралар үткәрелә.

Дәресләрдә һәм сыйныфтан тыш чараларда укучылар аның тормышына багышланган видеоязмалар белән танышалар һәм «Муса Җәлил күңелемдә» темасына шигъри кичәләрдә катнашалар.

3-4 класс укучылары өчен «Гомеремне халкыма бирәм» класс сәгате оештырылды, анда балалар шагыйрьнең авырлыклары һәм казанышлары, әдәби эшчәнлеге һәм мәдәниятебез өчен әһәмияте турында беләчәкләр.

Исегезгә төшерәбез, иртәгә, 15 февральдә, герой-шагыйрь Муса Җәлилнең тууына 119 ел тула!