Татар теле якынайды

Агымдагы елның январь аеннан Мәгариф һәм фән министерлыгы порталында татар теленә өйрәтүче “Ана теле” дип аталган Online-мәктәп эшли башлады.

Россия Федерациясендә татар теле таралышы буенча икенче урынны алып тора. Бу телдә 6 млн артык кеше аралаша.

Югарыда телгә алынган программадан һәрбер интернет кулланучы файдалана ала. Өйдән чыкмый торып кына да татар телендә шактый йөгерек сөйләшергә һәм аралашырга мөмкинлек бирүче Online-мәктәптә һәр көн үзгәрешләр булып, программа яңартылып тора. Бүгенге көндә “Ана теле” проекты буенча 96 дәрес, 96 видеофильм, 5 меңнән артык аудиороликлар чыгарылган.