Әлмәт районында укучылар авыл хуҗалыгы технологияләре белән практикада танышачаклар
Быел «Азык-төлек куркынычсызлыгын технологик тәэмин итү» милли проектының «АПКда кадрлар» федераль проектын гамәлгә ашыру кысаларында Габдрахман авылы мәктәбендә агротехнология классын яңарту проекты гамәлгә ашырылачак.
Узган ел ачылган агрокласс үзенең җиһазланышын сизелерлек яхшыртырга мөмкинлек алды. Проект кысаларында биредә заманча җайланмалар урнаштырылачак, бу укучыларга теоретик белемнәр алу гына түгел, ә аларны практикада куллану мөмкинлеге бирәчәк.
Агроклассның төп юнәлеше үсемлекчелек һәм механизация кебек өлкәләрне үз эченә алган агроинженерия белән бәйле.
Проектның максаты - укучыларга булачак һөнәрләрен билгеләргә ярдәм итү, аларга авыл хуҗалыгы өлкәсендә төп белем алырга мөмкинлек бирү, шулай ук районның авыл хуҗалыгы үсешенә үз өлешләрен кертә алырлык булачак агрономнар тәрбияләү.
Агроклассны булдыру Россия Президенты Владимир Путин инициативасы белән «Азык-төлек куркынычсызлыгын технологик тәэмин итү» илкүләм проекты ярдәмендә мөмкин булды.