Әлмәт беренче Советларының II Форумы: «Хәрәкәттә бул - беренче бул!»
20 декабрьдә инженерлык лицеенда Әлмәт муниципаль районының беренче Советларының II Форумы булды.
«Беренчеләр хәрәкәте»нең Әлмәт бүлеге — ул бергәләп игелекле эшләр башкарырга, хыялланырга һәм кызыклы инициативаларны тормышка ашырырга әзер актив егетләр берлеге. Форум-советның һәр катнашучысы өчен беренчеләрдән булып үз-үзен күрсәтү, фикердәшләре белән бергә үз идеясен тәкъдим итү һәм тормышка ашыру мөмкинлеге.
Форумда катнашучыларны Әлмәт муниципаль районы башкарма комитеты җитәкчесе Гүзәл Хәбетдинова сәламләде.
- Сез дөньяны яхшырак итү өчен бер командага берләштегез. Проектлар уйлап табасыз, яшьләр хәрәкәтендә катнашасыз. «Беренчеләр хәрәкәте» нең 13 юнәлеше - ул сез яшәгән, үзегезне тормышка ашырырга ярдәм иткән нәрсәләр. Кыю булыгыз, ялгышудан курыкмагыз! Барысы да булыр, үзегезгә ышаныгыз! Сезнең янда дуслар, остазлар, сезнең кебек үк дөньяны бәхетлерәк итәргә теләгән өлкәннәр, - диде Башкарма комитет җитәкчесе залга мөрәҗәгать итеп.
ТР Рәисе ярдәмчесе, «Беренчеләр хәрәкәте»нең республика бүлеге җитәкчесе Тимур Сөләйманов билгеләп үткәнчә, форумда хыяллана һәм планлаштыра гына түгел, ә ниятләгәннәрен тормышка ашыра, куелган максатларга ирешә белүчеләр җыелган. Ул «Беренчеләр хәрәкәте»нең Әлмәт бүлеге эшчәнлеген югары бәяләде, аның барлык юнәлешләрдә дә лидер булуын билгеләп үтте һәм яңа елда алдагы уңышларга өмет белдерде.
Тимур Сөләйманов республика Рәисе сүзләрен китереп, «Беренчеләр хәрәкәте» һәркемгә үсешкә омтылырга һәм үз башлангычларында беренче булырга ярдәм итә, дип билгеләп үтте.
«Беренчеләр хәрәкәте»нең Әлмәт бүлеге сизелерлек нәтиҗәләргә иреште: мәктәпләрдә, урта һөнәри белем бирү учреждениеләрендә, нефть Югары мәктәбендә, шулай ук яшьләр сәясәте һәм мәдәнияте учреждениеләрендә 72 башлангыч бүлек ачылды.
«Россия бөркетләре» программасында 15 802 башлангыч сыйныф укучысы катнаша. Районда «Беренчеләрдән хәрәкәте»нең гомуми күләме-7500гә якын теркәлгән катнашучы, шуларның 650е тантаналы рәвештә хәрәкәткә багышланып, значоклар һәм беләзекләр алды.
Катнашучылар исәбендә - республика һәм федераль конкурсларда җиңүләр, йөзләгән мавыктыргыч чаралар һәм кызыклы очрашулар. Бер ел эчендә ирешелгән нәтиҗәләр катнашучыларның бирелгәнлеген һәм энтузиазмын күрсәтә, яңа казанышларга илһамландыра.
Форумның тантаналы өлеше "Беренчеләр хәрәкәте" юнәлешләре остазларын һәм лидерларын Әлмәт районында хәрәкәт үсешенә керткән өлешләре өчен бүләкләү белән тәмамланды.
Аннары форумда катнашучылар "Сыйныф очрашуы" проекты кысаларында Тимур Сөләймановка кызыксындырган сораулар бирделәр, юнәлешләр буенча командаларда эшләделәр һәм 2025 елда гамәлгә ашыру өчен үз проектларын тәкъдим иттеләр.