Илебезнең яңа автотранспорты Әлмәт үзәк район хастаханәсе белгечләренә авылда медицина ярдәме күрсәтергә булыша
Яңа автотранспорт быел «Сәламәтлек саклау» милли проектының беренчел сәламәтлек саклау звеносын модернизацияләү программасы акчаларына сатып алынган.
Алынган «Лада Гранта» җиңел автомобиле пациентларның медицина учреждениеләренә баруларын һәм медицина хезмәткәрләренең пациентлар яши торган урынга баруларын оештыру, тикшеренүләр өчен биологик материаллар ташу һәм ерак бистәләрдә яшәүчеләргә дару препаратлары китерү өчен файдаланыла.
Дару препаратларын ерак авыл территорияләрендә, бигрәк тә шәһәрдән 50-90 километр ераклыкта урнашкан торак пунктларда алу мәсьәләсе аеруча актуаль. Хәзер пациентка ерак авылдан шәһәргә җәмәгать транспортында (күчереп утыртулар белән) һәм кире кайту өчен көне буе вакытын сарыф итәргә кирәкми. «Сәламәтлек саклауның беренчел звеносын модернизацияләү» федераль программасы буенча «Сәламәтлек саклау» илкүләм проекты кысаларында гамәлгә ашырыла торган яңа автотранспорт ярдәмендә авыл халкына дару препаратлары китерү өлешендә медицина ярдәме күрсәтүне якынайтуга ирешелде.