Әлмәттә яңа ел интерактив программалары!

2024 елның 17 декабре, сишәмбе

21 декабрьдән 7 гыйнварга кадәр Әлмәттә төп биш урында тематик чаралар сериясе узачак:

1. «Каракуз» скверы
2. Нефтьчеләр мәйданы
3. Компетенцияләр үзәге
4. «Яшьлек» скверы
5. «Сәламәтлек» паркы

«Каракуз» скверында Яңа ел мәйданчыгы 21 декабрьдә 18:00 сәгатьтә ачылачак. Әлмәт урам театрының «Легкие крылья» спектакленең премьерасы Нефтеград халкы һәм кунаклары өчен тәкъдим ителәчәк.

22 декабрьдә 18:00 сәгатьтә «Яшьлек» скверында һәм компетенцияләр үзәге янындагы мәйданда Яңа ел локацияләре ачылачак. Ә 30 декабрьдән 3 гыйнварга кадәр биредә «Легкие крылья» урам театрыннан театр тамашалары узачак.

Әлмәттә яңа ел бәйрәме тылсымының бер өлеше булу мөмкинлеген кулдан упкындырмагыз! Көтәбез сезне!