Бәләкәй әлмәтлеләр «Яшел «Яңа ел» балалар иҗат эшләре конкурсында катнаша ала
Татарстан Республикасының көнчыгыш зонасындагы каты коммуналь калдыклар белән эш итү буенча «ГРИНТА» төбәк операторы мәктәп һәм мәктәпкәчә яшьтәге балалар арасында икенчел калдыклардан һәм экологик чиста материаллардан иң яхшы эшләнмәгә Конкурс игълан итә. Конкурс үсеп килүче буынның игътибарын төбәктәге экологик вәзгыятькә юнәлтергә, товарларны аңлы рәвештә кулланырга һәм ресурсларны икенче тапкыр кулланырга ярдәм итәчәк.
Катнашу өчен эшне булдыру процессын видеога төшерергә яки әзер эшне презентацияләргә кирәк, анда нинди материаллар кулланылганын һәм ни өчен мондый алым Татарстан Республикасы экологиясен яхшыртырга ярдәм итәчәген аңлатырга кирәк. Гаризалар 3 номинация буенча кабул ителә:
• «Яшел» кием (икенчел ресурслардан, шул исәптән иске әйберләрдән тегелгән яңа ел киеме);
• «Яшел» бүләк (бүләкләрне экологик материаллардан үз кулларың белән төрү);
• «Яшел» уенчык (икенчел һәм экологик чиста материаллардан үз куллары белән ясалган чыршы уенчыклары).
Катнашучылар гаризалары һәм видео-визиткалар 2024 елның 9 декабреннән 2025 елның 9 гыйнварына кадәр кабул ителәчәк.
Конкурс шартлары белән сез монда җентекләбрәк таныша аласыз.
Игътибар итәбез, тутырылган заявкасыз һәм шәхси мәгълүматларны эшкәртүгә ризалыктан башка тапшырылган эшләр конкурсны оештыручы тарафыннан кабул ителми.