Әлмәттә гомумшәһәр планеркасы булды
Бүген район башкарма комитеты җитәкчесе вазыйфаларын башкаручы Гүзәл Хәбетдинова рәислегендә гомумшәһәр планеркасы узды.
«Ватанны саклаучылар» дәүләт фонды филиалы эшчәнлеге турында төп доклад белән өлкән социаль Координатор Екатерина Кузнецова чыгыш ясады.
«Ватанны саклаучылар» дәүләт фонды 2023 елның 3 апрелендә Россия Президенты Владимир Путин йөкләмәсе буенча махсус хәрби операция ветераннарына һәм һәлак булган сугышчыларның гаиләләренә адреслы ярдәм күрсәтү максаты белән булдырылды. 2023 елның 1 июнендә Россиянең барлык төбәкләрендә фонд филиаллары ачылды.
«Ватанны саклаучылар» фонды эшчәнлегенең төп юнәлеше-махсус хәрби операциядә катнашкан хәрби хәрәкәтләр ветераннарына, шулай ук һәлак булган сугышчыларның гаиләләренә ярдәм чараларын алуда шәхсән ярдәм итү һәм булышлык күрсәтү. Фонд түбәндәге юнәлешләр буенча ярдәм күрсәтә:
- социаль адаптацияне, интеграцияне һәм ресоциализацияне комплекслы тәэмин итү, укыту (яңадан укыту, квалификация күтәрү), эшкә урнашуга ярдәм итү;
- психологик-терапевтик ярдәм;
- социаль ярдәм чараларын рәсмиләштергәндә һәм биргәндә юридик ярдәм, билгеләнгән социаль ярдәм чараларын алуда ярдәм итү;
- дарулар һәм медицина эшләнмәләре (шул исәптән Россиядә теркәлмәгән), реабилитацияләүнең федераль исемлегенә керми торган техник чаралар, шулай ук инвалидларга күрсәтелә торган хезмәтләр, югары функцияле протезлар һәм протез-протопедик эшләнмәләрне дә кертеп, белән тәэмин итү;
- медицина реабилитациясе, паллиатив медицина ярдәме, шифаханә-курортта дәвалану һәм өйдә (озак вакытлы) карау буенча хезмәтләр алуга ярдәм итү;
- инвалидларның торак урыннарын индивидуаль ихтыяҗларга яраклаштыру;
- документларны рәсмиләштерүдә (торгызуда) ярдәм;
- сугышчан хәрәкәтләр ветераны статусын алуда ярдәм итү.
Моннан тыш, ветераннарга һәм махсус хәрби операциядә һәлак булганнарның гаилә әгъзаларына Чаллы шәһәренең сугыш ветераннары госпиталендә бушлай дәвалану һәм тернәкләнү мөмкинлеге бирелде.
Мөрәҗәгать итүчеләр берьюлы берничә юнәлеш буенча ярдәм ала алачак.
«Ватанны саклаучылар» фондының филиалы Әлмәттә Таһиров урамы, 1 адресы буенча урнашкан. Эш вакыты-эш көннәрендә 8:00 дән 17:00 гә кадәр. Мәгълүмат алу өчен сез 8 (8553) 42-47-57 номерына шалтырата аласыз.
Сүзен йомгаклап, район Советы Аппараты җитәкчесе Әнүзәр Юнысов киләсе атнага чаралар планын тәкъдим итте.