Әлмәт хастаханәсендә яңа заманча җиһазлар урнаштырдылар
«Сәламәтлек саклау» милли проектын гамәлгә ашыру кысаларында «Әлмәт үзәк район хастаханәсе» ДАССО медицина ярдәме сыйфатын сизелерлек яхшыртачак һәм пациентлар өчен дәвалау хезмәтләре спектрын киңәйтәчәк ике заманча аппарат сатып алган.
Яңалыклар арасында — транскраниаль магнит стимуляциясе (ТМС) һәм уникаль Walkbot комплексы.
Транскраниаль магнит стимуляциясе - баш миен инвазив булмаган стимуляцияләүнең куркынычсыз һәм нәтиҗәле ысулы, ул магнит кыры ярдәмендә баш мие кабыгы нейроннары активлыгына йогынты ясый. Бу ысул төрле халәтләрне дәвалау өчен кулланыла, шул исәптән инсульттан соң тернәкләнү, хроник авырту, мигрень, Паркинсон авыруы, депрессия һәм борчулы тайпылышлар. Процедура авыртусыз уза, һәм пациентлар сеанс вакытында табиб белән аралаша ала, бу дәвалауны уңайлырак итә.
Walkbot - олыларда да, балаларда да йөрү функциясен торгызу өчен билгеләнгән роботлаштырылган система. Ул төрле неврологик патологияләр һәм Хәрәкәт активлыгы бозылулар вакытында нәтиҗәле кулланыла.
Җиһазлар файдалануга тапшырылган инде! Хастаханә белгечләре тиешле укыту узган һәм пациентларга ярдәм итәргә әзер.