Әлмәт районы юлларындагы вәзгыять турында Россия Эчке эшләр министрлыгының Әлмәт районы буенча Дәүләт автоинспекциясе бүлеге җитәкчесе вазыйфаларын вакытлыча башкаручы полиция капитаны Шамил Гарипов сөйләде.

2024 елның 2 декабре, дүшәмбе

Бүгенге көндә Әлмәт районында 96 юл-транспорт һәлакәте булган, аларда 15 кеше һәлак булган һәм 109 кеше яраланган. Узган ел белән чагыштырганда һәлакәтләр саны 25 кә, һәлак булучылар - 3 кә, ә яралылар - 38 кә кимегән.

Юл-транспорт һәлакәтенең төп сәбәпләре:

- Узып китү кагыйдәләрен бозу.

- Бәрелеш.

- Җәяүлеләрне бәрдерү.

28 ноябрьдән 27 декабрьгә кадәр җәяүлеләр катнашында аварияләрне булдырмау өчен «Җәяүле» операциясе үткәрелә. Җәяүлеләр юлны җәяүлеләр кичүләре аша чыгарга тиеш, югыйсә 500₽ штраф яный (РФ КоАП 12.29 маддәсенең 1 өлеше).

Юлларда игътибарлы булыгыз!