Көндәлек мәшәкатьләр - шәһәр иминлегенә

2024 елның 22 ноябре, җомга

«ГУАД» предприятиесе хезмәткәрләренең елның теләсә кайсы вакытында һәм һава торышында зур эш фронты бар. Җәйге чор гадәттәгечә ремонт эшләре, җәмәгать урыннарын һәм юл буе территорияләрен көн саен карап тоту, чүп-чар чыгару һәм печән чабу белән бәйле.

Хәзер предприятие хезмәткәрләре юлларның прибордюр өлешләрен тәртипкә китерә, киртәләрне, тукталышларны, урналарны, фонарь баганаларын һәм башка корылмаларны чистарта.

Ләкин тиздән эшләрнең яңа этабы – кар җыю башланачак. Кыш ерак түгел бит, аны коралланып каршы алырга әзер булу мөһим.