Татарстанда бушлай дискотекалар белән тур узачак
21-23 ноябрьдә Түбән Камада, Чаллыда һәм Әлмәттә бушлай «БиЮ» дискотекалары узачак. Үзләренең сет-листлары белән республиканың популяр диджейлары, шулай ук диджеинг курсларында белем алган яшүсмерләр чыгыш ясаячак. Программада шулай ук иҗади мастер-класслар, команда уеннары һәм башка бик күп нәрсәләр бар.
Дискотекада заманча, модалы форматта милли композицияләр яңгыраячак. Ә кичнең төп вакыйгасы диджейларның чыгышы булачак.
Әлмәттә кичә 23 ноябрьдә 17.00-20.00 сәгатьләрдә «Фабрика» Яшьләр үзәгендә узачак:
17:00 – 19:00, meraki, Саба районыннан беренчеләр хәрәкәтендә катнашучы
19:00-20:00, ANTON ABRAMOV, scratch DJ school укытучысы һәм үзенең тернтейблизмын үстерүче мультиформат диджей скилла
«БиЮ»нең беренче эко-тусовкасы – диджей сетлары астына экологик своп. Кунаклар сыйфатлы музыкага биеп кенә калмыйча, кием-салым, аксессуарлар, китаплар һәм башкалар белән дә алмаша алачак.
Чара кунаклары өчен параллель активлыклар оештырылачак. Әйтик, Әлмәттә китаплар өчен кыстыргычлар ясау, Сәйлән открыткалар һәм бизәнү әйберләре ясау, шулай ук кием-салым һәм сумкаларны көйләү буенча мастер-классларда катнашырга мөмкин булачак.
Чарага керү бушлай, теркәлү буенча.
Чара Scratch DJ School белән берлектә беренчеләр хәрәкәте һәм «ПОВ» медиасы тарафыннан оештырылган.
Исегезгә төшерәбез, җәй көне «БиЮ» кичәләре Казанда, Әлмәттә, Түбән Камада, Биектауда һәм Байлар Сабасында узды. Аларда 8000нән артык татарстанлы катнашты.
Россия балалар һәм яшьләр хәрәкәте Россия Президенты Владимир Путин күрсәтмәсе буенча оешкан, аның оештыру җыелышы 2022 елның 20 июлендә узган. Беренчеләрдән булып хәрәкәт үз атамасын Мәскәүдә 18-20 декабрьдә узган Россия балалар һәм яшьләр хәрәкәтенең I съездында тавыш бирү нәтиҗәләре буенча алды. Делегатлар шулай ук 12 эш юнәлешен һәм 11 уртак кыйммәтне расладылар, алар арасында «Тормыш һәм дәрәҗә», «Патриотлык», «Игелек һәм гаделлек», «Иҗади хезмәт», «Ныклы гаилә» һәм башкалар. Катнашучыларның төп миссияләре арасында — «Россия белән булу», «Кеше булу», «Бергә булу», «Хәрәкәттә булу», «Беренче булу». Хәрәкәтнең эшчәнлеге ял итүне оештыруга, һәрьяклап үсеш һәм үз-үзеңне тормышка ашыру өчен мөмкинлекләр тудыруга, шулай ук балаларның һөнәри юнәлеш алуына юнәлдерелгән. Хәрәкәткә алты яшьтән керергә мөмкин. Катнашучылар башлангыч гомуми, төп гомуми, урта һөнәри һәм югары белем бирү программалары буенча белем алучы балигъ булмаганнар булырга мөмкин.
Татарстанда «Беренчеләр хәрәкәте» социаль челтәрләре:
- ВКонтакте төркеме: https://vk.com/mypervie16
- Телеграм-канал: https://t.me/mypervie16
- Татарстандагы төбәк бүлеге җитәкчесе Тимур Сөләймановның Телеграм-каналы: https://t.me/SuleymanovTimur.