Район башлыгыннан 36 мең яшь әлмәтле яңа ел бүләкләре алачак

2024 елның 8 ноябре, җомга

Бу хакта район башлыгы Тимур Нагуманов үзенең телеграмма-каналында хәбәр итте.

Алда торган яңа ел чараларында 36 меңнән артык яшь әлмәтле татлы бүләкләр алачак: муниципаль балалар бакчаларына йөрүче мәктәпкәчә яшьтәге балалар, шулай ук муниципаль һәм дәүләт гомуми белем бирү учреждениеләрендә белем алучы 1-8 сыйныф укучылары. Махсус хәрби операциядә катнашучыларның балалары, татлы бүләктән тыш, шулай ук сертификатлар алачак.

Бүгенге көндә бүләкләр әзерләү буенча актив эш алып барыла, аларның тулылыгы билгеләнә.

«Татлы бүләкне сайлаганда, беренче чиратта, аның составына игътибар итәргә кирәк», - дип билгеләп үтте район башлыгы.

Район башлыгы Тимур Нагуманов тарафыннан хупланган инициатива инде өченче ел рәттән Әлмәт яшьләре өчен күркәм Яңа ел традициясенә әверелә.