Әлмәт районы хакимиятендә кадрлар үзгәрешләре

2024 елның 5 ноябре, сишәмбе

1 ноябрьдән Әлмәт муниципаль районы Советы Аппараты җитәкчесе вазыйфасына элек район башкарма комитетының эшләр идарәчесе вазыйфасын биләгән Юнысов Әнүзәр Әнвәр улы билгеләнде. Бу хакта шәһәркүләм киңәшмәдә район башлыгы Тимур Нагуманов хәбәр итте.

Әнүзәр Әнвәр улы шәһәр администрациясендә үзенең һөнәри юлын 2019 елда башлаган һәм шул вакыт эчендә үзен алдына куелган бурычларны нәтиҗәле хәл итәргә сәләтле компетентлы һәм җаваплы белгеч буларак таныткан.

Моннан тыш, Әнүзәр Әнвәр улы спорт белән актив шөгыльләнә, төрле ярышларда һәм спартакиадаларда катнаша. Спорттагы казанышлары аңа югары эшкә сәләтлелек һәм энергия сакларга ярдәм итә.

Район башлыгы Абүзәр Әнвәр улының идарә итү тәҗрибәсен һәм белемнәрен эштә яңа үрләргә ирешү өчен кулланачагына ышанычын белдерде.

Әнүзәр Әнвәр улын яңа вазыйфага билгеләнүе белән котлыйбыз һәм аңа яңа җаваплы вазыйфасында уңышлар телибез!