«Тарихта без эзлебез» шәҗәрә фестивалендә катнашырга чакырабыз!
Татарстан Республикасы Архив эше буенча дәүләт комитеты ел саен «Тарихта без эзлебез» Шәҗәрә фестивале (алга таба – Фестиваль) үткәрә. Чара шәҗәрә традицияләрен саклауга һәм үстерүгә, гаилә багланышларын һәм буыннар дәвамчанлыгын ныгытуга, киң җәмәгатьчелекнең Татарстан һәм үз гаиләсе тарихына кызыксынуын җәлеп итүгә юнәлдерелгән.
2024 елның 15 ноябрендә Әлмәт районында фестивальнең муниципаль этабы узачак.
Фестиваль турындагы Нигезләмә нигезендә муниципаль этап призерлары (1, 2, 3 урыннар) дипломнар һәм 50 000, 40 000 һәм 30 000 сум күләмендә акчалата призлар белән бүләкләнәләр. Этапта 1 урынны алган җиңүче фестивальнең зона этабына җибәрелә.
Зона этабы призерлары шулай ук дипломнар һәм акчалата призлар белән бүләкләнәчәк: 1 урын өчен – 100 000 сум, 2 урын өчен – 80 000 сум, 3 урын өчен – 60 000 сум. Фестивальнең зона этабында беренче урынны алган катнашучылар фестивальнең республика этабына җибәрелә.
Республика этабы призерлары дипломнар һәм акчалата призлар белән бүләкләнәләр: 1 урын өчен – 500 000 сум, 2 урын өчен – 400 000 сум, 3 урын өчен 300 000 сум. Өч призлы урыннан тыш, «Хезмәт династиясе», «Гаилә традицияләренә ярдәм итү», «Тынычлык гаиләсе» һәм «Тамашачылар симпатиясе призы» номинацияләре билгеләнде, аларның һәркайсы 200 000әр сум акчалата бүләкләр белән бүләкләнә.
Гаиләләрне «Тарихта без эзлебез» фестивалендә катнашырга чакырабыз! Катнашуга гаризалар 04.11.2024 елга кадәр кабул ителә.
Фестивальдә катнашу мәсьәләләре буенча район башкарма комитетының архив бүлегенә тел. 33-72-14, 33-72-10, эл.почта Elena.Gabdrashitova@tatar.ru мөрәҗәгать итәргә.