Әлмәт халкына финанс грамоталылыгын тикшерергә тәкъдим итәләр

2024 елның 8 октябре, сишәмбе

Финанс белемнәрен бәяләү максатында Россия Банкы һәм стратегик инициативалар агентлыгы 2024 елның 8 октябреннән 29 октябренә кадәр финанс грамоталылыгы буенча Бөтенроссия онлайн-зачеты үткәрә. Катнашучылар финанс мәсьәләләрендә ни дәрәҗәдә яхшы ориентлашуларын тикшерә алалар. Биремнәрнең саны һәм катлаулылыгы катнашучының яшенә бәйле.

Зачетны узу 20 минуттан да артмаячак. Омтылышлар саны чикләнмәгән.

Проектның сайты: https://finzachet.ru/.

QR-код:

Шулай ук әлмәтлеләргә финанс агарту буенча Россия Банкының онлайн-проектларының көзге сессиясе турында хәбәр итәләр, ул 13 декабрьгә кадәр дәвам итәчәк. Финанс грамоталылыгының

Онлайн-дәресләре (dni-fg.ru) шәхси финанслар белән дөрес эш итүгә, финанс инструментларын сайлауга һәм рациональ файдалануга, иминиятләштерүгә, салымнарга һәм булачак пенсиягә багышланган.

Өлкән буын өчен финанс грамоталылыгы буенча онлайн-дәресләрдә (pensionfg.ru) тыңлаучылар милли валюта формалары, банк хезмәтләреннән куркынычсыз һәм нәтиҗәле файдалану, финанс инструментларын сайлау, заманча онлайн-технологияләрне куллану, акчасыз түләүләрне тиз башкару, үз мөлкәтең белән эш итү, мирасны рәсмиләштерү, шулай ук мошенниклардан саклану турында беләчәк.

«Финанс навигаторы» онлайн-программасы (investor.dni-fg.ru), «Грамоталы инвестор» һәм «Финанс навигаторы» блокларыннан торучы, инвестицияләү нигезләрен һәм принципларын өйрәнергә, финанс инструментларын сайларга һәм үзеңнең финанс максатларыңны һәм хәвеф-хәтәргә һәвәслегеңне исәпкә алып портфель төзергә, максатларга ирешү юлында грамоталы шәхси стратегия төзергә мөмкинлек бирәчәк.