Әлмәттә 7,7 меңнән артык нарат утыртканнар

2024 елның 5 октябре, шимбә

Бүген «Экология» милли проектының «Урманнарны саклау» федераль проекты кысаларында Иске Суркино авылы территориясендә Урман утырту буенча акция узды. Акциядә балалар һәм өлкәннәрне дә кертеп, 100 дән артык кеше катнашты.

Нибары берничә сәгать эчендә катнашучылар 3,5 гектар урман утыртып, 7700 нарат үсентесе утыртуга ирештеләр.

«Урманнарны саклау» федераль проекты урман торгызу һәм урман үрчетү мәйданнарын арттыруга, урман янгыннарыннан килгән зыянны киметүгә, шулай ук урман ресурсларыннан файдалануның нәтиҗәлелеген арттыруга юнәлдерелгән. Мондый масштаблы агач утыртулар бөтен ил буйлап уза, бу процесска битараф булмаган гражданнарны җәлеп итә.