Шишкин урамында юл билгеләре һәм ярымсфералар куелды

2024 елның 21 сентябре, шимбә

Элегрәк без Шишкин урамында яшәүчеләрнең үз урамнарына юл билгеләре кую үтенече турында сөйләгән идек.

Үткәрелгән төзекләндерүдән соң төп проблема — юл өслеген боза торган автомобильләр хәрәкәте икәне ачыкланды.

Район башлыгы Тимур Нагуманов кушуы буенча урынга оператив рәвештә шәһәр Башкарма комитеты җитәкчесе Айнур Исхаков чыкты. Вәзгыятьне карау нәтиҗәләре буенча Шишкин урамында ярымшарлар, шулай ук «Керү тыелган» һәм «Тупик» билгеләре кую турында карар кабул ителде.

Кичә бу карар юл хәрәкәте куркынычсызлыгы комиссиясендә рәсми рәвештә расланды һәм тиешле юл билгеләре инде куелган.