Әлмәтлеләрне «Көзге Скандинавия (Төньяк) йөреше фестивале»нә чакыралар
2024 елның 21 сентябрендә Түбән Кама шәһәрендә «Көзге Скандинавия (Төньяк) йөреше фестивале» узачак. Чара халык арасында физик культураны, спортны һәм сәламәт яшәү рәвешен популярлаштыруга, шулай ук Татарстан Республикасы һәм Россия Федерациясенең башка субъектлары арасында Төньяк йөрешне яратучылар арасында дуслык элемтәләрен үстерүгә юнәлдерелгән.
Фестиваль кысаларында төньяк йөреш техникасы буенча ярышлар һәм мастер-класслар оештырылачак. Чараның спорт өлешендә 1,5 һәм 6 км дистанцияләр каралган. Шәхси зачетта да, команда зачетында да катнашырга мөмкин. Татарстан Республикасыннан һәм Россиянең башка төбәкләреннән 500 гә якын спортчы һәм спорт сөюче катнашыр дип көтелә.
Үткәрү урыны: Түбән Кама шәһәре, Ямьле ур., 20 йорт, «Батыр» урта мәктәбе»нә якын урман массивы.
Гаризалар 16 сентябрьгә кадәр түбәндәге электрон почтага кабул ителә: sport.nk306@yandex.ru.