«Яшьләр торак конкурсы»Татарстан Республикасында социаль ипотека программасы буенча торак алуга Татарстан Республикасы яшьләр сәясәте лидерлары арасында конкурс
2024 елның 12 августында Татарстан Республикасында социаль ипотека программасы буенча торак алуга Татарстан Республикасы яшьләр сәясәте лидерлары арасында студентларның, аспирантларның, яшь галимнәрнең һәм белгечләрнең, Татарстан Республикасы яшьләр сәясәтен гамәлгә ашыруда актив катнашучы авыл һәм эшләүче яшьләр вәкилләренең торак шартларын яхшыртуга юнәлдерелгән конкурска гариза бирү кампаниясе старт алды. Татарстан Республикасы Рәисе Р.Н.Миңнеханов ярдәме белән конкурс 2012 елдан бирле үткәрелә. Яшьләр иҗтимагый хәрәкәтләренең 400дән артык активисты җиңүче булды инде.
Конкурста катнашуга Татарстан Республикасында даими яшәү урыны буенча теркәлгән 18 яшьтән 35 яшькә кадәрге Россия Федерациясе гражданнары кертелә:
- Иҗтимагый оешмалар активистлары.
- Татарстан яшьләр сәясәте проектларында, үзидарә яки иҗат берләшмәләрендә катнашучы студентлар.
- Башкарма комитетларда, учреждениеләрдә, яшүсмерләр клубларында һәм яшьләр үзәкләрендә яшьләр белән эшләү буенча белгечләр.
- Сәнәгать предприятиеләрендә һәм, дәүләтнеке булмаганнарын да кертеп, оешмаларда белгечләр.
- Мәгариф учреждениеләрендә яшьләр белән эшләү өчен җаваплы.
Катнашу шартлары:
- Торак белән тәэмин ителеш критерие: гаиләнең бер әгъзасына туры килгән мәйдан белән тәэмин ителешнең гомуми дәрәҗәсе 18 квадрат метрдан кимрәк булырга тиеш.
- Катнашучының гаилә әгъзалары: даими яшәү урыны буенча катнашучы белән бергә теркәлгәннәр (яшәүчеләр) кертелә: балалар, ир яисә хатын.
Аерым очракларда фатирның милекчесе күрсәткән башка туганнар да исәпкә алынырга мөмкин.
2024 елда Конкурс дүрт этапта уздырыла*:
- I этап – «Гариза бирү кампаниясе» (2024 елның 13 августыннан 6 октябренә кадәр): «Электрон гариза бирү кампаниясе» (катнашучылар конкурста катнашу өчен гаризаны сайт аша җибәрәләр – https://ligastudentov.com);
- II этап – «Гаризаларны тикшерү» (2024 елның 7 октябреннән 31 октябренә кадәр).
- III этап – «Экспертлар тарафыннан гаризаларны тикшерү» (2024 елның 1 ноябреннән 2025 елның 10 гыйнварына кадәр).
- IV этап – «Җиңүчеләрне сайлау» (2025 елның 11 гыйнварыннан 15 гыйнварына кадәр).
Конкурста җиңүчеләр ике этапта билгеләнә*:
- I этап (ярымфинал) – конкурсның торак комиссиясе әгъзалары тарафыннан алынган гаризаларны карау, бәяләү кәгазен тутыру, гариза бирүчеләр арасыннан ярымфиналчылар составын формалаштыру. Конкурсның торак комиссиясе ярымфиналга чыгучылар санын конкурска бирелгән мөрәҗәгать итүчеләрнең гомуми саныннан чыгып раслау хокукын үзендә калдыра һәм аны Конкурсның торак комиссиясе утырышына кадәр 7 көннән дә соңга калмыйча игълан итә.
- II этап - ярымфиналчылар арасыннан әлеге Нигезләмәнең 3 бүлеге шартларын канәгатьләндерүче 49 җиңүче билгеләнә.
Конкурста җиңгән очракта, катнашучы беренчел взнос кертергә тиеш, ул сайланган фатирның гомуми бәясеннән кимендә 10% тәшкил итә. Конкурста катнашу айлык түләүләрне вакытында башкару өчен тотрыклы керем һәм түләү сәләте булуны күздә тота.
Программа турында мәгълүмат https://vk.com/mol_ipoteka «ВКонтакте» рәсми бергәлегендә бастырыла һәм https://t.me/ipoteka_liga Телеграм каналда.