Район башлыгы Тимур Нагуманов иң яхшы комбайнчыларны бүләкләде

2024 елның 3 сентябре, сишәмбе

Һава шартлары катлаулы булуга карамастан, районыбызның авыл хуҗалыгы хезмәткәрләре урып-җыюда югары профессионализм һәм җаваплылык күрсәтәләр.

Август ае аеруча яңгырлы булды, бу безнең аграрийлар өчен өстәмә кыенлыклар тудырды. Шуңа да карамастан, район җитәкчелеге һәрвакытта да безнең барыбыз өчен дә мөһим булган эшне башкаручыларга ярдәм итәргә һәм аларны дәртләндерергә омтыла.

Бүген район башлыгы Тимур Нагуманов шәхсән үзе «Кичүчат» ҖЧҖ авыл хуҗалыгы предприятиесе комбайнчыларын яхшы нәтиҗәләр өчен бүләкләде. Яруллин Дамир Минзаһит улы, Солтанов Дамир Гайс улы һәм Нуруллин Ришат Фаат улы бөртекле культураларны җыюда сыйфатлы һәм нәтиҗәле эшләүләре өчен бүләкләнделәр.