Әлмәтлеләр кинология комплексы өчен «Спутник Махмай» исемен сайладылар!

2024 елның 19 августы, дүшәмбе

3 һәм 4 августта «Смена» җәйге китап фестивалендә әлмәтлеләр «Дог-френдли Татарстан» проекты белән берлектә кинология комплексына исем сайладылар.

Этләр белән шөгыльләнү һәм уеннар өчен мәйданчык космик тематикада - эт-космонавтлар итеп рәсмиләштереләчәк. Бу космосны үзләштерүгә зур өлеш керткән героик эт-космонавтларга сылтама.

Шунысы кызык: «Махмай» - татар авылларында этләргә ягымлы кушамат, шулай ук бөек татар шагыйре Габдулла Тукайның мәшһүр шигыре Герое исеме.

«Спутник Махмай» кинология комплексы сентябрь башында ук Бигаш урамы һәм Зарипов проспекты киселешендә ачылачак.