Әлмәт педагогик династиясе: 450 елга сузылган тарих
Бүген Лаеш районының Усады авылында Татарстан Республикасы Рәисе Рөстәм Миңнеханов катнашында мәгариф һәм фән хезмәткәрләренең республика август киңәшмәсе узды. Чара кысаларында тантаналы төшке аш узды, анда Татарстанның педагогик династияләрен хөрмәтләделәр.
Шундый династияләрнең берсе Әлмәт районыннан Даминовлар-Вәлиәхмәтовлар гаиләсе булды. Дүрт буынны тәшкил иткән бу династиянең гомуми педагогик стажы 450 елдан артык!
Династиягә нигез салучы - Рабига Вәлиәхмәт кызы Дәминова (Еремеева). Аның кызлары Лена һәм Лера Даминовлар да үзләрен укытучылык эшчәнлегенә багышладылар. Лена Мотыйговнаның ире Әнвәр Таҗимөхәммәт улы Вәлиәхмәтов та укытучы булып эшләгән. Аларның өч кызы-Рәмзия, Гүзәлия һәм Гөлнара - гаилә традицияләрен дәвам итеп, педагоглар булдылар.
Татарстан Республикасы Рәисе Рөстәм Миңнеханов шәхсән әлеге династия вәкилләрен котлады, аларның республика мәгарифен үстерүгә керткән өлешләрен билгеләп үтте.