Район Советы сессиясе: мәсьәләләр бергәләп хәл ителә
13 августта Әлмәт муниципаль районы Советының кырык беренче сессиясендә Совет депутатлары, шәһәр прокурорының беренче урынбасары, Россия Эчке эшләр министрлыгының Әлмәт районы буенча бүлеге начальнигы урынбасары, контроль-күзәтчелек органнары хезмәткәрләре, Совет һәм Башкарма комитетның җитәкче составы, массакүләм мәгълүмат чаралары катнашты.
Депутатлар район башлыгы Тимур Нагуманов рәислегендә Югары Акташ, Кичүчат авыл җирлекләренең шәһәр төзелешенә, Башкарма комитет һәм Совет аппараты структурасындагы үзгәрешләргә, шулай ук балигъ булмаганнар эшләре һәм аларның хокукларын яклау комиссиясенә кагылышлы мәсьәләләрне карадылар.
Көн тәртибендәге беренче мәсьәлә буенча җир-мөлкәт мөнәсәбәтләре һәм шәһәр төзелеше эшчәнлеге комитеты рәисе вазыйфаларын башкаручы Татьяна Кузьмина чыгыш ясады. Ул билгеләп үткәнчә, карар проекты Россия Федерациясенең «Пространство белешмәләренең милли системасы» дәүләт программасын гамәлгә ашыру максатларында әзерләнгән, аның нигезендә муниципаль берәмлекләр, торак пунктлар, территориаль зоналар чикләрен тасвирлау эшләрен 2024 елның 31 декабренә кадәр тәмамлауны һәм «Күчемсез мөлкәтнең бердәм дәүләт реестрын кирәкле белешмәләр, процентлар белән тутыру» индикаторының чик күрсәткечен үтәүне тәэмин итәргә кирәк., Татарстан Республикасы муниципаль районнарының (шәһәр округларының) җирле үзидарә органнары эшчәнлеге нәтиҗәлелеге күрсәткечләре исемлегенә кертелгән.
Калган өч мәсьәлә буенча мәгариф идарәсе начальнигының тәрбия эшләре буенча урынбасары Елена Бурлакова һәм район башлыгы урынбасары Андрей Зимин чыгыш ясадылар.
Сессия азагында иң алдынгы хезмәткәрләрне ведомство һәм тармак бүләкләре белән бүләкләү тантанасы булды.