Әлмәт Курск өлкәсендә зыян күрүчеләргә беренче партия гуманитар ярдәм җибәрде
Меңнәрчә кеше чик буе районнарын калдырып китте. Һәм хәзер аларга ярдәм бик кирәк. Курскка гуманитар йөкләр бөтен Россиядән агыла. Әлмәт районы читтә калмады. Берничә көн эчендә әлмәтлеләр Курск өлкәсендә зыян күрүчеләр өчен гуманитар йөкнең зур партиясен җыйдылар.
Хәйрия оешмалары, предприятиеләр, эшмәкәрләр һәм битараф булмаган халык иң кирәкле әйберләрне-азык-төлек, эчә торган су, шәхси гигиена чараларын, көнкүреш химиясен, даруларны җыйды.
Моннан тыш, район башлыгы Тимур Нагуманов кушуы буенча генераторлар, микродулкынлы мичләр, суыткыч, эчәргә яраклы су, азык-төлек сатып алынды.
Әлмәтлеләр барлык россиялеләр белән бергә Курск өлкәсенең чик буе районнарындагы ватандашларыбызга катлаулы вәзгыятьне кичерергә ярдәм итәләр.
Исегезгә төшерәбез, элегрәк Татарстан Республикасы Рәисе Рөстәм Миңнеханов республика Хөкүмәтенә Курск өлкәсендә яшәүчеләр өчен гуманитар ярдәм оештырырга һәм җибәрергә кушкан иде. Шуның кысаларында, район башлыгы Тимур Нагуманов инициативасы белән, Әлмәттә ВСУ һөҗүменнән зыян күрүчеләр өчен гуманитар ярдәм җыю оештырылды.
Әлмәттә гуманитар ярдәм җыю пункты көн саен 8:00 дән 20:00 гә кадәр Ленин ур., 21 адресы буенча эшен дәвам итә.