Татарстан эшмәкәрләре профилактик визитка һәм контроль органнары консультациясенә дәүләт хезмәтләрендә шәхси кабинет аша языла ала
«Госуслуги» порталында яңа функционал - профилактик визит һәм контроль (күзәтчелек) органнары консультацияләрен уздыруга онлайн-язылу мөмкин булды. Яңалык бизнесның тикшерүче органнар белән оператив хезмәттәшлеген тәэмин итәчәк.
«Контрольдә тотылучы затлар белән максималь уңайлы форматта хезмәттәшлек итү контроль-күзәтчелек эшчәнлеген реформалау кысаларында Хөкүмәтнең өстенлекле юнәлешләреннән берсе булып тора. Бүген «Госуслуг» порталындагы шәхси кабинет аша эшмәкәрләр предприятиедә профилактик визит уздыруга яки аннан баш тартуга гариза җибәрә, профилактик чара нәтиҗәләре буенча бәя куя алалар. Шулай ук шәхси кабинетта контроль органнары консультациясен соратып алырга була», - дип сөйләде икътисад министры урынбасары Гөлназ Исмәгыйлева.
Консультациягә гариза биргәндә эшмәкәрләр үзара хезмәттәшлек итүнең уңайлы форматын сайлый алалар: телефон аша, «МП Инспектор» кушымтасы аша дистанцион рәвештә, язма рәвештә һәм консультация үткәрүнең өстенлекле вакытын күрсәтә алалар. Хезмәт 10 эш көне дәвамында күрсәтеләчәк. Карау нәтиҗәләре буенча эшкуарның шәхси кабинетына консультациягә язылу расланган белдерү киләчәк.
«Профилактик визитка язылу» хезмәте дистанцион рәвештә видеоэлемтә аша «МП Инспектор» кушымтасы аша яисә объектта турыдан-туры гариза биргәннән соң 10 эш көненнән дә иртәрәк күрсәтелмәскә мөмкин. Профилактик чара турындагы бөтен тарих шулай ук шәхси кабинетта булачак.
Ведомстволар профилактик визит уздырудан баш тартырга мөмкин, чөнки мондый чараларны элек үткәргәндә хокук бозулар булган яисә заявкада дөрес булмаган формулировкалар булган.
Гариза бирүче шулай ук «Дәүләт хезмәтләре» порталында бирелгән гаризаны мөстәкыйль рәвештә кире ала ала.