Әлмәт һава-десант гаскәрләренең 94 еллыгын билгеләп үтте
Бүген шәһәр мәдәният һәм ял паркында Һава-десант гаскәрләре оешуга 94 ел тулу уңаеннан. Татарстан нефтенең 60 еллыгы уңаеннан Бөек Ватан сугышы истәлегенә хәрби бурычын үтәгәндә һәлак булган геройлар истәлегенә Мемориалга чәчәкләр салу тантанасы булды. Һава-десант гаскәрләре сугышчыларын бер минут тынлык белән искә алдылар.
Әлмәт муниципаль районы башлыгы урынбасары Марат Гыйрфанов катнашучыларны район башлыгы Тимур Нагуманов исеменнән котлады. Ул ассызыклаганча, ВДВ Россия армиясенең элитасы булып тора, моны төрле хәрби конфликтлар барышында үзенең батырлыгы һәм профессиональлеге белән исбатлый.
«Бүген без монда һава-десант гаскәрләрендә куркыныч, ләкин мактаулы хезмәтне үз бурычы итеп сайлаган кешеләр хөрмәтенә җыелдык. ВДВ үзенең барлыкка килү көненнән Россия армиясенең элитасы булды, моны безнең ил катнашкан һәр конфликтта исбатлый. Иң катлаулы операцияләр, иң катлаулы хәрби биремнәр һәрвакыт Һава-десант гаскәрләренә тапшырыла», - дип билгеләп үтте Марат Гыйрфанов.
Бу көнне десантчылар үзләре генә җыелмый - алар белән бергә аларның хатыннары һәм балалары да килә, барысы да күптән инде бер зур гаиләгә әверелгән бит. Ә үсеп килүче буын өлкәннәргә горурланып карый һәм алардан үрнәк алырга тырыша.